UMCH – Universitätsmedizin Neumarkt a. M. Campus Hamburg

excognito übernimmt PR-Arbeit für UMCH in Hamburg - excognito

UMCH – ჰამბურგის საერთაშორისო სამედიცინო კამპუსი

სკოლის დამთავრებისთანავე შეგიძლია გერმანიაში სამედიცინოზე სწავლა დაიწყო. ქალაქში, რომელიც  ევროპის ერთ-ერთი ყველაზე საინტერესო სტუდენტური გარემოა თანამედროვე ტექნოლოგიებითა და მწვანე პარკებით.
სწორედ ასეთ გარემოს გთავაზობს UMCH – Universitätsmedizin Neumarkt a. M. Campus Hamburg – LEAF-ის ახალი პარტნიორი უნივერსიტეტი.

ქალაქი ჰამბურგი და UMCH-ის კამპუსი

UMCH მდებარეობს ჰამბურგში, კულუტურულად მდიდარ და სტუდენტებით სავსე ქალაქში, Science City Bahrenfeld-ის თანამედროვე, ინოვაციურ უბანში. უნივერსიტეტის კამპუსი კლასიკური სამედიცინო სკოლასთან ერთად თანამედროვე ტექნოლოგიებით აღჭურვილი სასწავლო გარემოა. ქალაქი მრავალფეროვან გარემოს გთავაზობთ, როგორც სასწავლოდ, ასევე დასასვენებელი, რეკრეაციული და გასართობი რესურსებით.

რა პროგრამას გთავაზობს UMCH?

UMCH-ში მთავარი პროგრამა არის ექვსწლიანი სამედიცინო ხარისხი (MD).
ეს არის ევროპული სამედიცინო გზა – სკოლის შემდეგ კლინიკაში, პაციენტებთან.

  • პროგრამის ხანგრძლივობა: 6 წელი / 12 სემესტრი
  • სწავლების ენა: ინგლისური (კლინიკურ ეტაპებზე – კომუნიკაცია გერმანულ ენაზეც)
     

უკვე მესამე კურსიდან იწყება გასვლა რეალურ საავადმყოფოებში, სემინარები, კლინიკური ქეისები, პაციენტების ისტორიები, კონსილიუმები, დისკუსიები.

UMCH ასევე გთავაზობს მომზადებით ეტაპს – Medical Foundation Track–ს მათთვის, ვისაც უნდა უკეთ გაიღრმავოს საბუნებისმეტყველო საგნები და აკადემიური ინგლისური, სანამ ძირითადი პროგრამა დაიწყება.

UMCH–ის ერთ-ერთი ყველაზე ძლიერი მხარე მისი სწავლების მეთოდებია, მაღალ ტექნოლოგიურ ლაბორატორიებში, ვიტრუალურ ანატომიურ მაგიდებზე და სიმულაციურ ოთახებში, სადაც ექიმის როლს მაქსიმალურად რეალურად ირგებ. ცოტა მოგვიანებით კი რეალური პალატები, საოპერაციო ბლოკები, ამბულატორიები პარტნიორ კლინიკებში და ა.შ.

ლექციები  კი ინტერაქციულად პატარა ჯგუფებში მიმდინარეობს, რაც ლექტორის მხრიდან ინდივიდუალურ მიდგომას უწყობს ხელს. 

სტუდენტური ცხოვრება – საერთაშორისო გარემო და მხარდაჭერა

UMCH–ის კამპუსი თითქოს პატარა საერთაშორისო ქალაქია. სტუდენტები ჩამოდიან სხვადასხვა ქვეყნიდან – ევროპა, აზია, ახლო აღმოსავლეთი.
ყველას აერთიანებს ერთი მიზანი – გახდნენ ექიმები.

უნივერსიტეტი ყურადღებას არ აქცევს მხოლოდ აკადემიურ ნაწილს. აქ მნიშვნელოვანია, რას გრძნობ, როგორ აწყობ ცხოვრებას ჰამბურგში, როგორ ხედავ მომავალს.

სტუდენტებისთვის ხელმისაწვდომია:

  • Erasmus+ – სემესტრული გაცვლითი პროგრამა სხვა ევროპულ უნივერსიტეტებში
  • ინსპირაციული ლექციები სხვადასხვა სფეროდან
  • კვლევითი კლუბები და Junior Research Academy – პირველად რომ გააკეთებ საკუთარ პატარა კვლევით პროექტს
  • სტუდენტური კლუბები, ღონისძიებები, შეხვედრები 

სტრესული სასწავლო პროგრამის ფონზე შემოთავაზებულია კარიერული და ფსიქოლოგიური კონსულტაციაც. თუ გჭირდება, შეგიძლია ისაუბრო სპეციალისტთან, დაგეგმო კარიერა, ან უბრალოდ მოძებნო მხარდაჭერა დამღლელი პერიოდებისას.

პარტნიორები და კარიერული გზები

UMCH–ის ერთ-ერთი მთავარი უპირატესობა – დიდი კლინიკური ქსელია.
სტუდენტები პრაქტიკას გადიან გერმანიის 30-ზე მეტ საავადმყოფოებსა და კლინიკაში.
ამას ემატება პარტნიორები ესპანეთშიც – ანუ საერთაშორისო კლინიკური გამოცდილებაც შესაძლებელია.

პარტნიორ კლინიკებს შორისაა ისეთი საავადმყოფოები, სადაც ძლიერი მიმართულებებია:

  • შიდა მედიცინა და კარდიოლოგია
  • ქირურგია და ტრავმატოლოგია
  • პედიატრია, გინეკოლოგია
  • ნევროლოგია, ონკოლოგია, გერიატრია 

კლინიკური წლები ასე გამოიყურება:
ყოველ წელს რამდენიმე კვირა მუშაობ პაციენტებთან, ექიმებთან, მულტიდისციპლინარულ გუნდებთან. სწავლობ ოფიციალურ მორიგეობებზე, კონფერენციებზე, ოპერაციულ პროცესში.

დიპლომის შემდეგ კარიერული გზა ფართოა.
UMCH–ის პროგრამა აკრედიტირებულია და დიპლომი აღიარებულია ევროკავშირის ქვეყნებში და არაერთ სხვა სისტემაში.
ეს ნიშნავს, რომ შეგიძლია:

  • გააგრძელო სპეციალობა გერმანიაში
  • მოძებნო კლინიკური რეზიდენტურა სხვა ევროპულ ქვეყნებში
  • ან დაუბრუნდე საკუთარ ქვეყანას საერთაშორისო სამედიცინო განათლებით 

გერმანიაში დღესაც ძალიან დიდი მოთხოვნაა ექიმებზე. შესაბამისად, პროფესიული პერსპექტივები და დასაქმების შანსები მაღალია, განსაკუთრებით იმ სტუდენტებისთვის, ვინც უკვე პრაქტიკის პერიოდში აქტიურად ერთვება კლინიკურ მუშაობაში.

რატომ UMCH?


UMCH არის ადგილი, სადაც შეგიძლია სკოლის შემდეგ დაიწყო ექიმის გზა, ევროპულ გარემოში, ინგლისურ ენაზე, გერმანულ სისტემასთან ერთად.

რამდენიმე მთავარი არგუმენტი:

  • 6-წლიანი სამედიცინო პროგრამა ინგლისურ ენაზე
  • არ არის აუცილებელი Studienkolleg ან დამატებითი ერთწლიანი ეტაპი გერმანიაში ჩამოსვლამდე
  • გერმანული ენის შესვლა ეტაპობრივად – უანგარო კურსები B2-მდე და მომზადება C1 დონისთვის
  • ძლიერი თეორიული საფუძვლები + პრაქტიკა რეალურ საავადმყოფოებში უკვე მესამე წლიდან
  • საერთაშორისო, თანამედროვე კამპუსი ჰამბურგში
  • აკრედიტირებული ხარისხი, რომელიც საშუალებას გაძლევს ევროპის სხვადასხვა ქვეყანაში განაგრძო კარიერა 

UMCH–ი განსაკუთრებით საინტერესოა იმ ახალგაზრდებისთვის, ვინც სკოლის შემდეგ უკვე ზუსტად იცის, რომ ექიმის პროფესიას ირჩევს და სურს ევროპული დონის განათლება, მაგრამ სწავლა ინგლისურად ურჩევნია.

სწავლის საფასური 

UMCH–ში სწავლის საფასური შედარებით მაღალია, სამაგიეროდ გთავაზობს ძალიან კონკრეტულ პერსპექტივებს.

საერთაშორისო სტუდენტებისთვის:

  • დაახლოებით 17,400 € სემესტრზე
  • ანუ წელიწადში დაახლოებით 34,800 €

ეს არის ინვესტიცია იმაზე, რომ ექვსი წლის შემდეგ გექნება ევროპული სამედიცინო დიპლომი და უკვე კლინიკურ სისტემაშიც ინტეგრირებული იქნები.

საცხოვრებელი ჰამბურგში – სტუდენტური ქალაქის ყოველდღიურობა

ჰამბურგი დიდი ქალაქია და სტუდენტებისთვის მრავალფეროვან საცხოვრებლებს სთავაზობს. UMCH საკუთარ ვებგვერდზე უკვე სთავაზობს ჩამონათვალს იმ რეზიდენციებისა და საცხოვრებელი კომპლექსებისა, რომლებიც განსაკუთრებით კომფორტულია სტუდენტებისთვის.

 

ფასების დიაპაზონი, საშუალოდ, დაახლოებით 750–1,200 € თვეში მერყეობს, კონკრეტული რეზიდენციის, მდებარეობისა და ოთახის ტიპის მიხედვით.

ყოველდღიური ხარჯების ჯამში, ჰამბურგში სტუდენტისთვის რეალისტური ბიუჯეტი ხშირად იწყება დაახლოებით 900–1,200 €-დან თვეში, საცხოვრებლისა და ცხოვრების სტილის გათვალისწინებით.

 

უნივერსიტეტთან პარტნიორობის ფარგლებში LEAF სრულიად უფასოდ დაგეხმარებათ სრულ სააპლიკაციო პროცესში.

დაწვრილებით უნივერსიტეტის შესახებ იხილეთ: https://edu.umch.de/en/the-medicine-degree-program

Humanmedizin (Diplom) | UMCH | Universitätsmedizin Neumarkt A. M. Campus Hamburg

მისამართი:
გამსახურდიას (პეკინის) გამზ. 34, 0160 თბილისი
ტელეფონი:
(322) 2 94 61 74

IIFM | Italian Institute of Fashion Management

California Miramar University

Karelia University of Applied Sciences

C3S Business School

Campus Spain

HIM Business School

Swiss Hotel Management School

Culinary Arts Academy Switzerland

César Ritz Colleges Switzerland

Istituto Marangoni

University Canada West

Toronto School of Management

Webster University Athens

LUT University

LAB University Of Applied Science

University of Latvia