École Ducasse: კულინარიული განათლება საფრანგეთში
École Ducasse საერთაშორისო კულინარიული სკოლაა, რომელიც შეფ-მზარეულ ალენ დიუკასის ხედვასა და ფრანგული გასტრონომიის ტრადიციებს ეფუძნება.
სკოლა განკუთვნილია მათთვის, ვისაც კულინარია ან საკონდიტრო ხელოვნება არა მხოლოდ ჰობად, არამედ საერთაშორისო კარიერად და მომავალ ბიზნესად წარმოუდგენია.
მდებარეობა და კამპუსები
École Ducasse-ის მთავარი კამპუსი მდებარეობს პარიზთან ახლოს, ქალაქ მედონში. თანამედროვე, 5 000 კვადრატული მეტრის კამპუსი პარიზის ცენტრიდან მატარებლით დაახლოებით 10 წუთის გზაზეა.
სკოლას ასევე აქვს École Nationale Supérieure de Pâtisserie, ENSP, ქალაქ ისენჟოში. ეს კამპუსი სპეციალიზებულია საკონდიტრო ხელოვნებაში, შოკოლადში, საცხობ წარმოებასა და ნაყინის მომზადებაში.
პროგრამები
École Ducasse გთავაზობს სამწლიან ინგლისურენოვან საბაკალავრო პროგრამებს:
- Bachelor in Culinary Arts
- Bachelor in French Pastry Arts
ორივე პროგრამა მოიცავს 180 ECTS კრედიტს და სამ პროფესიულ სტაჟირებას. თითოეული სტაჟირება 24 კვირას გრძელდება.
ასევე ხელმისაწვდომია მოკლევადიანი და სადიპლომო პროგრამები:
- Culinary Arts Diploma
- French Pastry Arts Diploma
- Expert Diploma in Culinary Arts
- Expert Diploma in French Pastry Arts
- Contemporary Gastronomy Signature Program
- French Pastry Arts Essentials
- საცხობი, შოკოლადის, ნაყინისა და სომელიეს სპეციალიზებული კურსები
პრაქტიკული სწავლება
École Ducasse-ში სწავლა პროფესიულ სამზარეულოებსა და ლაბორატორიებში მიმდინარეობს. სტუდენტები კერძებს თავად ამზადებენ, ტექნიკას პრაქტიკაში იმეორებენ და მცირე ჯგუფებში მუშაობენ.
საბაკალავრო პროგრამები აერთიანებს:
- კულინარიულ და საკონდიტრო ტექნიკას
- სურსათის უსაფრთხოებასა და კვებას
- ბიზნესისა და რესტორნის მართვას
- მარკეტინგსა და ფინანსებს
- მეწარმეობას
- მდგრადობას
- ადამიანური რესურსების მართვას
პროგრამის ბოლოს სტუდენტები ქმნიან საკუთარ კულინარიულ ან ბიზნესკონცეფციას. კლასში, როგორც წესი, 12-დან 18-მდე სტუდენტია.
პარტნიორი კომპანიები და სტაჟირება
École Ducasse-ის სტუდენტებს სტაჟირება გაუვლიათ მსოფლიოში ცნობილ რესტორნებში, სასტუმროებსა და საკონდიტრო ბრენდებში.
მათ შორისაა:
- Bulgari Hotel
- Café Louis Vuitton, Le Tout-Paris
- Hôtel de Crillon
- Ritz Paris
- Mandarin Oriental
- Shangri-La Paris
- Four Seasons
- Jumeirah Burj Al Arab
- The St. Regis Hong Kong
- Gordon Ramsay
- Pierre Hermé
- Cyril Lignac
- Le Meurice
- Le Bristol
- Ducasse sur Seine
სტაჟირება ავტომატურად არ ნიშნავს დასაქმების გარანტიას. თუმცა ბევრი სტუდენტი პირველ სამუშაო შეთავაზებას სწორედ იმ დაწესებულებისგან იღებს, სადაც პრაქტიკა გაიარა.
კამპუსზე მასტერკლასებს ატარებენ ისეთი პროფესიული პარტნიორები, როგორებიცაა Kaviari, Prova Gourmet, Vergers Boiron და Moulins Bourgeois.
სტუდენტური ცხოვრება და საცხოვრებელი
მედონი პარიზთან ახლოს მდებარე მშვიდი და მწვანე ქალაქია. სტუდენტს შეუძლია მშვიდ გარემოში იცხოვროს და ამავე დროს მარტივად ისარგებლოს პარიზის კულტურული და პროფესიული შესაძლებლობებით.
სკოლა სტუდენტებს პარტნიორი პლატფორმებისა და ორგანიზაციების დახმარებით საცხოვრებლის მოძიებაში ეხმარება. შესაძლებელია სტუდენტურ რეზიდენციაში, საერთო ბინაში ან კერძო ოთახში ცხოვრება.
სწავლის საფასური
საფასური პროგრამის მიხედვით განსხვავდება. მოკლევადიანი და სადიპლომო პროგრამების მაგალითებია:
- French Pastry Arts Essentials: დაახლოებით €6,900-დან
- Culinary Arts Diploma: დაახლოებით €22,990-დან
- French Pastry Arts Diploma: დაახლოებით €22,900-დან
- Expert Diploma in French Pastry Arts: დაახლოებით €10,950
- Contemporary Gastronomy Signature Program: დაახლოებით €46,000
საბაკალავრო პროგრამების სრული მიმდინარე საფასური მიღების პერიოდისა და სტუდენტის სტატუსის მიხედვით უნდა დაზუსტდეს. დამატებით გასათვალისწინებელია საცხოვრებელი, კვება, დაზღვევა და პირადი ხარჯები.
რატომ École Ducasse?
École Ducasse კარგი არჩევანია სტუდენტისთვის, რომელსაც სურს:
- კულინარიის ან საკონდიტრო ხელოვნების პროფესიულ დონეზე შესწავლა
- სამწლიანი პროგრამის განმავლობაში სამი სტაჟირების გავლა
- Michelin-ის დონის რესტორნებსა და Luxury სასტუმროებთან კავშირი
- პრაქტიკულ სამზარეულოებში ყოველდღიური მუშაობა
- რესტორნის ან საკუთარი კვების ბიზნესის მართვის სწავლა
- ფრანგულ გასტრონომიულ გარემოში საერთაშორისო კარიერის დაწყება
École Ducasse მხოლოდ კერძების მომზადებას არ ასწავლის. სტუდენტები სწავლობენ იდეის შექმნას, პროდუქტის განვითარებას, გუნდის მართვას და საკუთარი კულინარიული ბიზნესის დაგეგმვას.
უნივერსიტეტთან პარტნიორობის ფარგლებში LEAF სრულიად უფასოდ დაგეხმარებათ სრულ სააპლიკაციო პროცესში.
დაწვრილებით უნივერსიტეტის შესახებ იხილეთ:
